Thu. Jun 27th, 2019
662 views

ସାହିଦଙ୍କୁ କେତେ ଥର ଚୁମ୍ବନ ଦେଇଛି ତାହା ମୁଁ ଗଣିନି : କିଆରା

ସେୟାର କରନ୍ତୁ:-

ମୁମ୍ବାଇ : ୨୦୧୮ରେ ମୁକ୍ତିଲାଭ କରିଥିବା ଫିଲ୍ମ ‘ଜଲେବି’ରେ ନାୟକ-ନାୟିକାଙ୍କ ମଧ୍ୟରେ ଜବରଦସ୍ତ ଚୁମ୍ବନ ଦୃଶ୍ୟ ଦେଖିବାକୁ ମିଳିଥିଲା। ଭାରତୀୟ ସିନେମା ଜଗତରେ ଏହା ଥିଲା ୨୦୧୮ର ଚର୍ଚ୍ଚିତ ଚୁମ୍ବନ। ଚଳିତ ବର୍ଷ ରୁପେଲି ପରଦାରେ ସେମିତି କ୍ଲୋଜ୍‌ଅପ୍‌ କିସିଙ୍ଗ୍‌ ସିନ୍‌ ଦେଖିବାକୁ ମିଳିବ। ମୁକ୍ତିଲାଭ କରିବାକୁ ଥିବା ‘କବୀର୍‌ ସିଂହ’ ଫିଲ୍ମର ଟ୍ରେଲର ରିଲିଜ୍‌ ହେଇଛି।

ଟ୍ରେଲର୍‌ରେ ଦେଖିବାକୁ ମିଳିଛି ଜବରଦସ୍ତ କିସିଙ୍ଗ୍‌ ସିନ୍‌। ଟ୍ରେଲର୍‌କୁ ନେଇ ଦର୍ଶକଙ୍କ ପ୍ରଶଂସନୀୟ ପ୍ରତିକ୍ରିୟା ମିଳିଛି। ଚଳଚ୍ଚିତ୍ରରେ ଥିବା ନିଆରା ପ୍ରେମ କାହାଣୀର ପ୍ରେମିକ ସାଜିଛନ୍ତି ସାହିଦ କପୁର ଏବଂ ତାଙ୍କ ପ୍ରେମିକା ସାଜିଛନ୍ତି କିଆରା ଆଡ୍‌ଭାନୀ। ହଁ କାହାଣୀରେ ସାହିଦ୍‌ ଜଣେ ପାଗଳ ପ୍ରେମିକ ଭୂମିକାରେ ଅବତୀର୍ଣ୍ଣ ହୋଇଛନ୍ତି। ଏଇ ଫିଲ୍ମରେ ଦେଖିବାକୁ ମିଳିବ ସାହିଦ୍‌ ଓ କିଆରାଙ୍କ ରୋମାଞ୍ଚକ ଚୁମ୍ବନ ଦୃଶ୍ୟ। ଫିଲ୍ମର ଟ୍ରେଲର୍‌ ଲଞ୍ଚ ହେବା ସମୟରେ ଏହି ଦୃଶ୍ୟକୁ ନେଇ କିଆରାଙ୍କୁ ଅନେକ ପ୍ରଶ୍ନ ପଚରାଯାଇଥିଲା। କିଆରା ଗଣମାଧ୍ୟମର ଲଗାତାର ପ୍ରଶ୍ନବାଣରେ ବାୟା ହେଇଯାଇଥିଲେ। ଏଇ ଯେମିତି-ଫିଲ୍ମରେ ଆପଣଙ୍କର କେତୋଟି କିସିଙ୍ଗ୍‌ ସିନ୍‌ ରହିଛି?

ଏହାର ପ୍ରତିକ୍ରିଆରେ କିଆରା ହସି ହସି କହଥିଲେ, ‘ମୈନେ ଗିନେ ନହିଁ ମେରେ ଔର୍‌ ସାହିଦ୍‌ କେ ବିଚ୍‌ କିତ୍‌ନେ କିସିଙ୍ଗ୍‌ ସିନ୍‌ ହୈ, ଅଗର୍‌ ଆପ୍‌କୋ ୟୈ ଜାନ୍‌ନା ହୈ ତୋ ଇକ୍ୱିଶ୍‌ ଜୁନ୍‌କୋ ଫିଲ୍ମ ଦେଖ୍‌ନି ହୋଗୀ’। ସାହିଦ୍‌ ମଧ୍ୟ ନିଜ ପ୍ରତିକ୍ରିୟାରେ କହିଥିଲେ, ‘ଇସ୍‌ ବାତ୍‌ କା ତୋ ପୈସା ହୈ। ଆପ୍‌ କୋ ଫିଲ୍ମ ଦେଖ୍‌ନି ପଡେଗି’। ତେବେ ‘କବୀର୍‌ ସିଂହ’ ଫିଲ୍ମ ୨୦୧୭ରେ ରିଲିଜ୍‌ ହୋଇଥିବା ବିଜୟ ‘ଦେବର୍‌କୋଣ୍ଡା’ଙ୍କ ଫିଲ୍ମ ‘ଅର୍ଜୁନ ରେଡ୍ଡୀଙ୍କ’ ଅଫିସିଆଲ୍‌ ରିମେକ୍‌। ଏ ଦୁଇଟି ଯାକ ଫିଲ୍ମର ନିର୍ଦ୍ଦେଶନା ଦେଇଛନ୍ତି ସନ୍ଦୀପ ରେଡ୍ଡୀ ଭାଙ୍ଗା।

ସେୟାର କରନ୍ତୁ:-

Leave a Reply

Your email address will not be published. Required fields are marked *