Fri. Nov 15th, 2019

କଶ୍ମୀରରେ କର୍ଫ୍ୟୁ,୧୦୦ରୁ ଅଧିକ ଗିରଫ, ଜଣେ ଆନ୍ଦୋଳନକାରୀ ମୃତ

ନୂଆଦିଲ୍ଲୀ : ଜାମ୍ମୁ ଓ କଶ୍ମୀରରୁ ୩୭୦ ଧାରା ଉଠିବା ପରେ ଶ୍ରୀନଗର ସମେତ ରାଜ୍ୟର ଅନେକ ଅଂଚଳରେ କର୍ଫ୍ୟୁ ଲାଗୁ ହୋଇଥିବା ବେଳେ ପ୍ରାୟ ୨ ଲକ୍ଷରୁ ଅଧିକ ସୁରକ୍ଷାବଳ ମୁତୟନ ହୋଇଛନ୍ତି। ଶାନ୍ତି ଭଙ୍ଗହେବା ଆଶଙ୍କାରେ ପ୍ରଶାସନ ପକ୍ଷରୁ ୧୦୦ରୁ ଅଧିକ ରାଜନେତା ଓ ଆନ୍ଦୋଳନକାରୀଙ୍କୁ ଗିରଫ କରାଯାଇଛି। ଗିରଫ ହୋଇଥିବା ନେତା ମାନଙ୍କ ମଧ୍ୟରେ ରହିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଓମର ଅବଦୁଲ୍ଲା, ମେହେବୁବା ମୁଫତି। ଏହାଛଡା ଜାମ୍ମୁ ଓ କଶ୍ମୀର ପିପୁଲ୍ସ କନଫରେନ୍ସ ନେତା ସଜ୍ଜାଦ ଲୋନ ଓ ଇମ୍ରାନ ଅନସାରୀଙ୍କୁ ମଧ୍ୟ ଗିରଫ କରି ହରି ନିବାସ ଗେଷ୍ଟ ହାଉସରେ ରଖାଯାଇଛି। ତେବେ ଅଳ୍ପ କିଛି ସ୍ଥାନରେ ପଥର ମାଡ ଦେଖାଦେଇଛି। ଏଥିରେ ଜଣେ ବ୍ୟକ୍ତି ନିହତ ହେବା ସହ ୬ ଜଣ ଆହତ ହୋଇଛନ୍ତି। ରାଜ୍ୟପାଳ ସତ୍ୟପାଲ ମଲ୍ଲିକ ଆଜି ପରିସ୍ଥିତିର ସମୀକ୍ଷା କରିଥିବା ବେଳେ ଅତ୍ୟାବଶ୍ୟକ ସେବା ଯୋଗାଣ ଅବ୍ୟାହତ ରହିଛି ବୋଲି କହିଛନ୍ତି ।

Leave a Reply

Your email address will not be published. Required fields are marked *