Sat. Jul 20th, 2019

ଯୌତୁକ ପାଇଁ ଚଉଠି ରାତିରେ ବନ୍ଧା ହେଲା ବର

ଭୁବନେଶ୍ବର : ଅଧିକ ଯୌତୁକ ଦାବି କରି ନିର୍ଯାତନା ଦେବା ଅଭି‌ଯୋଗରେ ଚଉଠି ରାତିରେ ବନ୍ଧା ହୋଇଛି ନବ ବିବାହିତ ଯୁବକ । ଗିରଫ ହୋଇଥିବା ଯୁବକ ଜଣକ ହେଉଛନ୍ତି ଭିଏସ୍‌ଏସ୍‌ ନଗରର ଦେବୀପ୍ରସାଦ ନାୟକ। ସହିଦ ନଗର ଥାନା ପୋଲିସ ଗିରଫ କରି ଦେବୀକୁ କୋର୍ଟ ଚାଲାଣ କରିଛି ।

ସୂଚନାଯୋଗ୍ୟ, ଗତ ୭ ତାରିଖରେ ବୈଦିକ ରୀତିରେ ନିମାପଡ଼ା ଅଞ୍ଚଳରେ ତା’ର ବାହାଘର ହୋଇଥିଲା । ଯୌତୁକ ବାବଦରେ ଅଢ଼େଇ ଲକ୍ଷ ଟଙ୍କା ଦେବା ପାଇଁ ଛିଣ୍ଡିଥିଲା। ବାହାଘର ବେଳେ ଦେଢ଼ଲକ୍ଷ ଦେଇଥିବା ବେ‌ଳେ ବାହାଘର ପରେ ଲକ୍ଷେ ଟଙ୍କା ଦେବାକୁ ସ୍ଥିର ହୋଇଥିଲା। ବାହାଘର ଦୁଇଦିନ ବିତିଥିଲେ ମଧ୍ୟ ଯୌତୁକ ଟଙ୍କା ଆସିନଥିବାରୁ ଦେବୀ ପତ୍ନୀଙ୍କୁ ପିଟିଥିଲା। ପତ୍ନୀ ଏ ନେଇ ଥାନାରେ ଅଭିଯୋଗ କରିବା ପରେ ଦେବୀକୁ ଆଜି ରାତିରେ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।

Leave a Reply

Your email address will not be published. Required fields are marked *