Mon. Sep 16th, 2019

ଦୁଷ୍କର୍ମ ଅଭିଯୁକ୍ତ ବିଜେପି ନେତା ସ୍ୱାମୀ ଚିନ୍ମୟାନନ୍ଦ ଗୃହବନ୍ଦୀ, ଆଶ୍ରମ ସିଲ୍‌ କଲା ଏସ୍‌ଆଇଟି

ନୂଆଦିଲ୍ଲୀ : ଦୁଷ୍କର୍ମ ଅଭିଯୋଗରେ ବିଜେପି ନେତା ସ୍ୱାମୀ ଚିନ୍ମୟାନନ୍ଦଙ୍କୁ ସ୍ପେଶାଲ ଇନ୍‌ଭେଷ୍ଟିଗେସନ୍‌ ଟିମ୍‌ (ଏସ୍‌ଆଇଟି) ଦୀର୍ଘ ୭ ଘଣ୍ଟାକାଳ ଜେରା କରିବା ପରେ ଗୃହବନ୍ଦୀ କରିଛି। ଏଥିସହ ଚିନ୍ମୟାନନ୍ଦଙ୍କ ଦିବ୍ୟ ଆଶ୍ରମକୁ ଏସ୍‌ଆଇଟି ସିଲ୍‌ କରିଛି।

ଉଲ୍ଲେଖଯୋଗ୍ୟ ଯେ ଜନୈକା ଆଇନ୍‌ ଛାତ୍ରୀଙ୍କୁ ଦୁଷ୍କର୍ମ କରିବା ଅଭିଯୋଗରେ ସ୍ୱାମୀ ଚିନ୍ମୟାନନ୍ଦ ଛନ୍ଦି ହୋଇଥିଲେ। ଏହି ଘଟଣାର ତଦନ୍ତ ପାଇଁ ଏସ୍‌ଆଇଟି ଗଠନ ହୋଇଥିଲା। ଏହାର ତଦନ୍ତକାରୀ ଅଧିକାରୀମାନେ ଗତ ଗୁରୁବାର ରାତିରୁ ସ୍ୱାମୀ ଚିନ୍ମୟାନନ୍ଦଙ୍କୁ ନିଜ ହେପାଜତକୁ ନେଇଥିଲେ। ଦୀର୍ଘ ୭ ଘଣ୍ଟା ଜେରା କରିବା ପରେ ଆଜି ତାଙ୍କୁ ଗୃହବନ୍ଦୀ କରି ରଖିଛନ୍ତି। ଏହାଛଡା ଏଥିସହ ଚିନ୍ମୟାନନ୍ଦଙ୍କ ଦିବ୍ୟ ଆଶ୍ରମର ଗୋଟିଏ କଠୋରିକୁ ବାଦ୍‌ଦେଇ ଅନ୍ୟ ସମସ୍ତ କଠୋରିକୁ ସିଲ୍‌ କରାଯାଇଛି।

ଆଶ୍ରମ ଭିତରେ ଓ ବାହାରେ ବ୍ୟାପକ ପୋଲିସ ମୁତୟନ ହୋଇଥିବା ବେଳେ ସେଠାରେ ରହିଥିବା ତାଙ୍କ ବ୍ୟକ୍ତିଗତ ଶୟନ କକ୍ଷର ଫୋରେନସିକ୍‌ ଯାଞ୍ଚ ପାଇଁ ବିଶେଷଜ୍ଞମାନଙ୍କୁ ଡକା ଯାଇଥିବା ଏସ୍‌ଆଇଟିର ଜନୈକ ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି।

Leave a Reply

Your email address will not be published. Required fields are marked *