Thu. May 23rd, 2019
116 views

ଠକଙ୍କ ଟାର୍ଗେଟରେ ପରୀକ୍ଷାର୍ଥୀ : ସନ୍ଦେହ ଘେରରେ ଓଡ଼ିଶା ଉଚ୍ଚ ମାଧ୍ୟମିକ ଶିକ୍ଷା ବୋର୍ଡ଼

ସେୟାର କରନ୍ତୁ:-

ରାଉରକେଲା : ପ୍ରଥମେ ଏଟିଏମ, ଅନଲାଇନ ଠକେଇ ପରେ ବର୍ତମାନ ଠକଙ୍କ ନିଶାଣରେ ପରୀକ୍ଷାର୍ଥୀ ମାନେ ଥିବା ଜଣାପଡ଼ିଛି । ଉକ୍ତ ଠକ ମାନେ ବିିଭନ୍ନ କମ୍ପାନୀର ନମ୍ବର ବ୍ୟବହାର କରି ସେଥିରେ ରାଉରକେଲାରେ +୨ ପାଠ ପଢ଼ୁଥିବା ଛାତ୍ରଛାତ୍ରୀଙ୍କ ସମସ୍ତ ତଥ୍ର ପ୍ରକାଶ କରି ଯୋଗଯୋଗ କରୁଛନ୍ତି । ଅଭିଭାବକ ଓ ଛାତ୍ରଛାତ୍ରୀଙ୍କୁ ନିର୍ଦ୍ଦିଷ୍ଟ ବିଷୟରେ ଫେଲ ହୋଇଥିବା ସୂଚନା ଦେବାପରେ ଏକ ପୁରୀ କିମ୍ବା ଭୁବନେଶ୍ୱର ଅଂଚଳର ବ୍ୟାଙ୍କ ଏକାଂଊଟ ନମ୍ବର ଦେଇ ମୋଟା ଅର୍ଥ ମାଗୁଥିବା ଅଭିଯୋଗ ହୋଇଛି । ଅତ୍ୟନ୍ତ ଗୋପନୀୟ ଓ ଗୁରୁତ୍ୱପୂର୍ଣ୍ଣ ବ୍ୟକ୍ତିଗତ ତଥ୍ୟ ଗୁଡ଼ିକ ସାର୍ବଜନୀନ ଭାବେ ଠକଙ୍କ ହତ ଲାଗିବା ନେଇ ସମ୍ପ୍ରତି ଓଡ଼ିଶା ଉଚ୍ଚ ଶିକ୍ଷା ମାଧ୍ୟମିକ ବୋର୍ଡର କାର୍ଯ୍ୟକଳାପ ସନ୍ଦେହ ଘେରରେ ରହିଛି । ଠକ ମାନେ ପ୍ରଥମେ ଓଡ଼ିଆରେ ଛାତ୍ରଛାତ୍ରୀ ଓ ପରେ ହିନ୍ଦୀରେ କଥାବାର୍ଲା ହେଉଛନ୍ତି । ଛାତ୍ରଛାତ୍ରୀଙ୍କ ଭରସା ଜିତିବା ପରେ ସେମରାନ ବ୍ୟାଙ୍କ ଏକାଉଂଟ ନମ୍ବର ଦ୍ୱାରା ଅନଲାଇନ କିମ୍ବା ପ୍ରତ୍ୟକ୍ଷ ମନି ଟ୍ରାନ୍ସଫର କରାଉଛନ୍ତି । ଫଳରେ ଏପରି କିଛି ଘଟଣା ଜିଲ୍ଲାରେ ଠକେଇ ହୋଇଥିବା ଅଭିଭାବକ ମାନେ ପ୍ରକାଶ କରିଛନ୍ତି । ସେକ୍ଟର-୨, ସେକ୍ଟ-୧୯, ରାଉରକେଲାର ପ୍ରମୁଖ ସରକାରୀ କଲେଜ ମାନଙ୍କରେ ପାଠ ପଢ଼ୁଥିବା ପ୍ରାୟ ୧୫୦ ରୁ ଉର୍ଦ୍ଧ୍ଵ ଛାତ୍ରଛାତ୍ରୀଙ୍କୁ ଏପରି ଠକଙ୍କ କଲ ୩-୪ ଦିନ ମଧ୍ୟରେ ଆସୁଛି । ସେମାନେ ନିଜକୁ ମାଧ୍ୟମିକ ଶିକ୍ଷା ବୋର୍ଡର ଅଧିକାରୀ ଭାବେ ପରିଚୟ ଦେଉଛନ୍ତି । କୋଏଲନଗର, ଶକ୍ତିନଗର, ସେକ୍ଟର-୨୦ , ସେକ୍ଟର-୮ ଓ ରାଉରକେଲାର କିଛି ସ୍ଥାନରେ ଏପରି ଘଟଣା ଘଟୁଥିଲେ ମଧ୍ର ସଚେତନତା ଅଭାବରୁ ଅଭିଭାବକ ମାନେ ଠକାମୀର ଶୀକାର ହେବା ସହ ଛାତ୍ରଛାତ୍ରୀ ମାନେ ଫେଲ ହୋଇଥିବା ନେଇ ମାନସିକ ଅଶାନ୍ତିରେ ରହିଥିବା କୁହାଯାଇଛି । ତେବେ କଲେଜ ମାନଙ୍କରେ +୨ ଫର୍ମପୂରଣ ହେଉଥିବା ସମୟରେ ଦିଆଯାଉଥିବା ସମସ୍ତ ତଥ୍ୟ ଓ ବିବରଣୀ ଅନଲାଇନ ସ୍ୱତନ୍ତ୍ର ଭାବେ ଘରୋଇ ସଂସ୍ଥାକୁ ନିଆଯାଇଥିଲା । ସେଠାରୁ ଏହି ଛାତ୍ରଛାତ୍ରୀଙ୍କ ତଥ୍ୟ ସଂଗ୍ରହ କରାଯାଇଥାଇ ପାରେ ବୋଲି କିଛି ଅଭିଭାବକ କହିଛନ୍ତି । ତେବେ ଛାତ୍ରଛାତ୍ରୀଙ୍କୁ ଆସିଥିବା କିଛି ଫୋନ ନମ୍ବରକୁ ଯୋଗାଯୋଗ କରାଯାଇଥିଲା । ପ୍ରଶ୍ନଉତ୍ତର କରିବା ପରେ ଠକ ମାନେ ଏପରି ଉପାୟରେ ବିଭିନ୍ନ ସ୍ଥାନରୁ ଠକେଇ କରୁଥିବା ସ୍ୱୀକାର କରିଥିଲେ । ଏପରିକି ରାଉରକେଲାରେ ଏପରି କାର୍ଯ୍ୟ କରିବାକୁ ଉକ୍ତ ଅଭିଭାବକକୁଚ ଅଫର ମଧ୍ୟ ଦେଇଥିବା କହନ୍ତି ଅଭିଭାବକ ଜଣଙ୍କ । ଠକମାନେ ଦେଇଥିବା ବ୍ୟାଙ୍କ ଏକାଉଂଟ ନମ୍ବରର ଯାଂଚ କରିବାପରେ ତାହା ଅନ୍ୟ ସ୍ଥାନର ବୋଲି ଜଣାପଡ଼ିଥିଲା । +୨ରେ ଖାତା ଦେଖା ୪ ଦିନରେ ପହଂଚିଥିବା ବେଳେ ବିଭିନ୍ନ ବିଷୟରେ ଛାତ୍ରଛାତ୍ରୀଙ୍କ ରେଜଲ୍ଟ ଜାଣି ସେମାନଙ୍କୁ ଶୀକାର କରିବାର ତରିକା ବେଶ ନିଆରା ରହିଛି । ଏଥିରେ ପରୀକ୍ଷା ବୋର୍ଡର କାର୍ଯ୍ୟକଳାପ ସନ୍ଦେହରେ ରହିଛି ବୋଲି ଅଭିଭାବକ ମାନେ ଅସନ୍ତୋଷ ବ୍ୟକ୍ତ କରିଛନ୍ତି । କେବଳ ସହର ନୁହେଁ ବରଂ
ଅନ୍ୟ ରାଜ୍ୟରେ ଏହି ର‌୍ୟାକେଟର ଚେର ଲମ୍ବିଥିବା ଜଣାପଡ଼ିଛି । ଏହାର ପୁଙ୍ଖାନୁପୁଙ୍ଖ ତଦନ୍ତ କରାଯିବା ନେଇ ଅଭିଭାବକ ମହଳରେ ଦାବି ହୋଇଛି ।

ସେୟାର କରନ୍ତୁ:-

Leave a Reply

Your email address will not be published. Required fields are marked *