Thu. May 23rd, 2019
112 views

ରାଉରକେଲାରେ ନବୀନଙ୍କ ଯାଦୁ ନା ମୋଦି ମନ୍ତ୍ର ?

ଚିନ୍ତାରେ ପ୍ରାର୍ଥୀ, କମ ବ୍ୟବଧାନରେ ହେବ ବିଜୟ !

ସେୟାର କରନ୍ତୁ:-

ରାଉରକେଲା (ସୁବୋଧ ନାୟକ) : ସୁନ୍ଦରଗଡ଼ ଜିଲାରେ ଗତ ଏପ୍ରିଲ ୧୮ରେ ଭୋଟ ଶେଷ ହୋଇଛି । ସୁନ୍ଦରଗଡ଼ର ୭ଟି ବିଧାନସଭା ମଣ୍ଡଳୀ ମଧ୍ୟରୁ ସବୁଠାରୁ ଚର୍ଚ୍ଚାର ପରିଧି ମଧ୍ୟରେ ରହିଛି ରାଉରକେଲା ବିଧାନସଭା ନିର୍ବାଚନ ମଣ୍ଡଳୀ । ଏହି ନିର୍ବାଚନ ମଣ୍ଡଳୀରେ ଭୋଟ ହାର ମାତ୍ର ୬୩ ପ୍ରତିଶତ ରହିଥିଲା । ଅପରପକ୍ଷରେ ଏଠାରେ ତିନି ପ୍ରମୁଖ ରାଜନୈତିକ ଦଳ କଂଗ୍ରେସ ପ୍ରାର୍ଥୀ ବୀରେନ ସେନାପତି, ବିଜେଡ଼ି ପ୍ରାର୍ଥୀ ସାରଦା ପ୍ରସାଦ ନାୟକ ଓ ବିଜେପି ପ୍ରାର୍ଥୀ ନିହାର ରାୟ ମଧ୍ୟରେ କଡ଼ା ଟକ୍କର ହୋଇଥିଲା । ମାତ୍ର ରାଉରକେଲା ବିଧାନସଭା ଆସନ କାହା ପକେଟରେ ରହିବ, କାହା ମୁଣ୍ଡରେ ହାତୀ ସୁନା କଳସ ଢାଳିବ ଏହାକୁ ନେଇ ସବୁ ଦଳର କର୍ମୀଙ୍କ ଠାରୁ ଆରମ୍ଭ କରି ରାଜନିତୀ ମହଲର ବିଶାରଦଙ୍କ ମହଲରେ ଚାଲିଛି ଅଙ୍କକଷା, ତଥାପି ଅଙ୍କ ଛିଣ୍ଡୁନି । ଏହି ନିର୍ବାଚନ ମଣ୍ଡଳୀରେ ୩ ପ୍ରାର୍ଥୀଙ୍କ ମଧ୍ୟରେ କଡାଟକ୍କର ହୋଇଥିବାରୁ ବିଜୟର ବ୍ୟବଧାନ ଖୁବ କମ ହୋଇପାରେ ବୋଲି ଆକଳନ କରାଯାଉଛି । ଏଣୁ ଏହି ଆସନ କେଉଁ ଦଳର ପ୍ରାର୍ଥୀ ଦଖଲରେ ରହିବ ତାହାକୁ ନେଇ ଦୃଶ୍ୟପଟ ଅସ୍ପଷ୍ଟ ଥିବା ବେଳେ, ସମସ୍ତ ଦଳର ପ୍ରାର୍ଥୀ ମାନେ ଏବେ ଚିନ୍ତାରେ । ସାଧାରଣ ଜନତା ମଧ୍ୟ ଉତ୍ସୁକତା ସହ ଅନାଇ ବସିଛନ୍ତି ମେ’୨୩ ଫଳାଫଳକୁ ।

ଅପରପକ୍ଷରେ କେଉଁ ଦଳର ପ୍ରାର୍ଥୀ ରାଉରକେଲା ଆସନର ବିଧାୟକ ହେବେ ତାହାକୁ ନେଇ ଯୁବପିଢୀ ଭୋଟର ମାନଙ୍କ ମଧ୍ୟରେ ଉତ୍ସାହ ଏବେ ଠାରୁ ଦେଖିବାକୁ ମିଳିଲାଣି । ପ୍ରକାଶ ଥାଉକି, ଗତ ୨୦୧୪ ନିର୍ବାଚନରେ ବିଜେଡ଼ିର ପରାସ୍ତ ପ୍ରାର୍ଥୀ ତଥା ଆରଡ଼ିଏ ଅଧ୍ୟକ୍ଷ ସାରଦା ନାୟକଙ୍କୁ ବିଜେଡ଼ି ପୁଣି ଥରେ ଟିକେଟ ଦେଇ ନିର୍ବାଚନ ରଣଭୂମିକୁ ଓହ୍ଲାଇଥିଲା । ଗତ ନିର୍ବାଚନରେ ସାରଦା ଏଠାରୁ ତାଙ୍କର ନିକଟତମ ପ୍ରତିନ୍ଦ୍ୱନ୍ଦୀ ବିଜେପି ପ୍ରାର୍ଥୀ ଦିଲୀପ ରାୟଙ୍କ ଠାରୁ ଅଳ୍ପ ଭୋଟରେ ପରାସ୍ତ ହୋଇଥିଲେ । । ସେହିପରି ଗତ ୨୦୧୪ ନିର୍ବାଚନରେ ରାଉରକେଲା ବିଧାୟକ ଥିବା ଦିଲୀପ ଏଥର ରାଉରକେଲା ରାଜନିତୀରୁ ସମୂର୍ଣ୍ଣ ଦୂରେଇ ଯାଇଥିଲେ । ଯାହାକି ସାରଦାଙ୍କ ପାଇଁ ଶୁଭଙ୍କର ସାଜିଥିଲା । ସେହିପରି ବିଜେପି ପକ୍ଷରୁ ନିହାର ରାୟ ପ୍ରାର୍ଥୀ ହୋଇ ଦୀର୍ଘ ୧୫ ବର୍ଷ ପରେ ସାରଦାଙ୍କ ସହ ମୁହାଁମୁହିଁ ହୋଇଥିଲେ । ସମସ୍ତ ଦଳ ପକ୍ଷରୁ ନିର୍ବାଚନୀ ପ୍ରଚାର ରାଉରକେଲାର ସେକ୍ଟର ଅଂଚଳ, ବିଭିନ୍ନ ବସ୍ତି, ସହରତଳି ବସ୍ତି ଅଂଚଳରେ ଜୋରସୋର କରାଯାଇଥିଲା । ଖରାତରାକୁ ନମାନି ପ୍ରାର୍ଥୀ ମାନେ ମଧ୍ୟ କରିଥିଲେ ନିର୍ଧୁମ କରସତ । ଆଜକୁ ଠିକ ମାସେ ପରେ ମେ’୨୩ ରେ ଇଭିଏମ ପେଡ଼ିରୁ ଖୋଲିବ ପ୍ରାର୍ଥୀଙ୍କ ଭାଗ୍ୟ, ସେହିଦିନ କେଉଁ ଉପଯୁକ୍ତ ପ୍ରାର୍ଥଙ୍କ ମୁଣ୍ଡରେ ବିଜୟ ଶିରିପା ବାନ୍ଧିଛନ୍ତି ଜନତା ଜନାର୍ଦ୍ଦନ ତାହା ଆପଣାଛାଏଁ ସ୍ପଷ୍ଟ ହୋଇଯିବ, ଏଥିରେ ଦ୍ୱିମତ ନାହିଁ ।

ସେୟାର କରନ୍ତୁ:-

Leave a Reply

Your email address will not be published. Required fields are marked *