Wed. Nov 20th, 2019

ବିଏସ୍‌ଏନ୍‌ଏଲ୍‌ ଆଣିଲା ଭିଆର୍‌ଏସ୍‌ ସ୍କିମ୍

ନୂଆଦିଲ୍ଲୀ : ସରକାରୀ ଟେଲିକମ୍ କଂପାନି ବିଏସ୍‌ଏନ୍‌ଏଲ୍‌ ତରଫରୁ ସ୍ବେଚ୍ଛାକୃତ ଅବସର ସ୍କିମ୍ (ଭିଆର୍‌ଏସ୍‌) ଘୋଷଣା କରାଯାଇଛି। ୫୦ ବର୍ଷରୁ ଅଧିକ ବୟସର ସବୁ କର୍ମଚାରୀଙ୍କ ପାଇଁ କଂପାନି ଏହି ଆକର୍ଷଣୀୟ ସ୍କିମ୍ କରିଛି ବୋଲି ବିଏସ୍‌ଏନ୍‌ଏଲ୍‌ର ସିଏମ୍‌ଡି ପି କେ ପୁରୱାର କହିଛନ୍ତି।

ବିଏସ୍‌ଏନ୍‌ଏଲ୍‌-‌ଭିଆର୍‌ଏସ୍‌ ସ୍କିମ୍ ଚଳିତ ମାସ ୪ରୁ ଡିସେମ୍ବର ୩ ତାରିଖ ଭିତରେ ଉପଲବ୍ଧ ହେବ। କଂପାନିର ସମସ୍ତ ଫିଲ୍ଡ ୟୁନିଟ୍‌କୁ ଏ ବିଷୟରେ ସୂଚନା ଦିଆଯାଇସାରିଛି। ପ୍ରାୟ ୭୦ରୁ ୮୦ ହଜାର କର୍ମଚାରୀ ଏହି ସ୍କିମ୍‌ ପ୍ରତି ଆଗ୍ରହ ଦେଖାଇବେ ବୋଲି ଶ୍ରୀ ପୁରୱାର ଆଶା ପ୍ରକଟ କରିଛନ୍ତି। ତାଙ୍କ ଅନୁମାନ ଯଦି ଏହି ସ୍କିମ୍ ସଫଳ ହେ‌ବ ତେବେ ବିଏସ୍‌ଏନ୍‌ଏଲ୍‌ ଦରମା ବିଲ୍‌କୁ ୭୦୦୦ କୋଟି ଟଙ୍କା କମ୍ କରିପାରିବ। କଂପାନିରେ ଏବେ ଦେଢ଼ ଲକ୍ଷରୁ ଅଧିକ କର୍ମଚାରୀ କାର୍ଯ୍ୟ କରୁଛନ୍ତି। ଘରୋଇ ଟେଲିକମ୍ କଂପାନି ତୁଳନାରେ ବିଏସ୍‌ଏନ୍‌ଏଲ୍‌ର କର୍ମଚାରୀ ସଂଖ୍ୟା ଯଥେଷ୍ଟ ଅଧିକ ହୋଇଥିବାରୁ ଭିଆର୍‌ଏସ୍‌ ସ୍କିମ୍ ଜରିଆରେ ସଂଖ୍ୟା କମ୍ କରିବାକୁ ପ୍ରୟାସ କରାଯାଉଛି।

Leave a Reply

Your email address will not be published. Required fields are marked *