Thu. May 23rd, 2019
182 views

ଭାଙ୍ଗ ପିଇବାର ଫାଇଦା କଣ ?

ସେୟାର କରନ୍ତୁ:-

ଭାରତରେ ହୋଲି ସମୟରେ ଭାଙ୍ଗକୁ ବିଶେଷ ମହତ୍ତ୍ବ ଦିଆଯାଇଥାଏ। ହୋଲି ପର୍ବରେ ଲୋକେ ନିଜ ନିଜ ଢଙ୍ଗରେ ଭାଙ୍ଗ ପିଇଥାଆନ୍ତି ଏବଂ କେହି କେହି ଏହାକୁ ସର୍ବତ କିମ୍ବା ଲସିରେ ମିଶାଇ ପିଇଥାଆନ୍ତି ତ କେହି ଏହାକୁ ପେଷି ପିଇଥାଆନ୍ତି।

ଭାଙ୍ଗ ପିଉଥିବା ଲୋକେ କୁହନ୍ତି ଯେ ଭାଙ୍ଗ ପିଇବା ଦ୍ବାରା ସେମାନେ ଆନନ୍ଦ ଅନୁଭବ କରିଥାଆନ୍ତି। ବୈଜ୍ଞାନିକମାନେ କୁହନ୍ତି ଭାଙ୍ଗ ପିଇବା ଦ୍ବାରା ଡୋପାମିନ ହରମୋନର ସ୍ତର ବଢ଼ିଥାଏ। ଡୋପାମିନ ହରମୋନକୁ ଆମେ ହାପି ହରମୋନ ଭାବେ ଜାଣିଥାଉ। ଏହା ଆମ ମୁଡକୁ ନିୟନ୍ତ୍ରିତ କରିଥାଏ ଏବଂ ଆମକୁ ଖୁସି ରଖିଥାଏ।

ଭାଙ୍ଗକୁ ଇଂରାଜୀରେ କୈନାବିସ,ମେରିଜୁଆନା,ବିଡ ମଧ୍ୟ କୁହାଯାଇଥାଏ। ଆନନ୍ଦ ପାଇବା ପାଇଁ ଲୋକେ ଏହାକୁ ପ୍ରଚୁର ମାତ୍ରାରେ ପିଇଥାଆନ୍ତି। ଯଦି ଭାଙ୍ଗକୁ ପୋଡ଼ି ବିଡ଼ି କିମ୍ବା ସିଗାରେଟ ଭଳି ଟଣାଯାଏ ତେବେ ଏହାର ପ୍ରଭାବ ଅଳ୍ପ ସେକେଣ୍ଡ ମଧ୍ୟରେ ହୋଇଥାଏ।

ଏହାର ଧୂଆଁ ଆମ ଫୁସଫୁସରେ ଶୀଘ୍ର ଅବଶୋଷିତ ହୋଇଯାଇଥାଏ ଏବଂ ଏହା ମସ୍ତିଷ୍କ ପାଖକୁ ପହଞ୍ଚିଯାଇଥାଏ। ଏହାକୁ ପିଇବା ଦ୍ବାରା ମସ୍ତିଷ୍କ ଅତ୍ୟଧିକ ସକ୍ରିୟ ହୋଇଯାଇଥାଏ। ଏହାର ପ୍ରଭାବ ଅଳ୍ପ ସମୟ କିମ୍ବା ବେଶୀ ସମୟରେ ମଧ୍ୟ ହୋଇଥାଏ। ଯଦି ଆପଣ ଅଧିକ ମାତ୍ରାରେ ଭାଙ୍ଗ ଖାଉଛନ୍ତି ତେବେ ମସ୍ତିଷ୍କ ଉପରେ ଏହାର ଗଭୀର କୁପ୍ରଭାବ ପଡ଼ିବ।

ବୈଜ୍ଞାନିକ ଅନୁଧ୍ୟାନରୁ ଜଣାପଡ଼ିଛି ଯେ ଏହା ପିଇବା ଦ୍ବାରା ମନୁଷ୍ୟକୁ ଯେତିକି ଖୁସୀ ମିଳିଥାଏ ସେତିକି ଖୁସି ଆଉ କେଉଁଥିରୁ ମିଳିନଥାଏ। ଏଥିପାଇଁ ପିଲାମାନେ ବାପା,ମାଆ ଏବଂ ପରିବାର ଲୋକଙ୍କଠୁ ଦୂରକୁ ଚାଲିଯାଆନ୍ତି। ବୈଜ୍ଞାନିକଙ୍କ କହିବାନୁସାରେ ଏହାକୁ ସୀମିତ ମାତ୍ରାରେ ଔଷଧଭଳି ସେବନ କରିବା ସ୍ବାସ୍ଥ୍ୟପକ୍ଷେ ଲାଭଦାୟକ ହୋଇଥାଏ। କିନ୍ତୁ ଅତ୍ୟଧିକ ସେବନ କରିବା ଦ୍ବାରା ମସ୍ତିଷ୍କ ଏବଂ ଶରୀର ଉପରେ କୁପ୍ରଭାବ ପଡ଼ିଥାଏ। ଏହା ସେବନ କଲେ ମଣିଷ ମଧ୍ୟରେ ସ୍ନାୟବୀୟ ଦୁର୍ବଳତା ଦେଖାଦେବା ସହ ମାନସିକ ବିକୃତି ମଧ୍ୟ ଦେଖାଦେଇପାରେ ।  

ସେୟାର କରନ୍ତୁ:-

Leave a Reply

Your email address will not be published. Required fields are marked *