Thu. May 23rd, 2019
111 views

ବିଜେପି ନେତା ହତ୍ୟା ମାମଲାରେ ୫ ଜଣଙ୍କୁ ଗିରଫ କଲା କ୍ରାଇମବ୍ରାଞ୍ଚ

ସେୟାର କରନ୍ତୁ:-

ଭୁବନେଶ୍ଵର : ଖୋର୍ଦ୍ଧାରେ ବିଜେପି ନେତା ମଙ୍ଗୁଳି ଜେନାଙ୍କ ହତ୍ୟା ମାମଲାରେ ସଂପୃକ୍ତ ଥିବା ୫ ଜଣ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ଆଜି ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ଦିବ୍ୟଲୋଚନ ଗଜେନ୍ଦ୍ର, ସୀମାଞ୍ଚଳ ବଡ଼ଜେନା, ପପିନ ଦଳସିଂହରାୟ, ଚନ୍ଦ୍ରକାନ୍ତ ପ୍ରଧାନ ଓ ଇସ୍ପାତ ମହାରଣା ।

ସୂଚନା ମୁତାବକ, ସମସ୍ତ ଅଭିଯୁକ୍ତମାନେ ଖୋର୍ଦ୍ଧା ନିରାକାରପୁର ଥାନା ଅଂଚଳରେ । ଏମାନଙ୍କ ନାଁରେ ପୂର୍ବରୁ ଏକାଧିକ ଅପରାଧିକ ମାମଲା ରହିଛି । ୨୦୧୬ ଅଗଷ୍ଟ ୩୧ରେ ଦିବ୍ୟଲୋଚନ, ସୀମାଞ୍ଚଳ ଏବଂ ପପିନ ପୂର୍ବରୁ ମଙ୍ଗୁଳିଙ୍କୁ ହତ୍ୟା ଉଦ୍ୟମ କରିଥିଲେ । ଏହି ଆକ୍ରମଣରେ ମଙ୍ଗୁଳି ଆହତ ହୋଇଥିଲେ । କିନ୍ତୁ ଗତ ଏପ୍ରିଲ ୧୪ରେ ହୋଇଥିବା ଆକ୍ରମଣରେ ମଙ୍ଗୁଳି ଆଉ ବର୍ତ୍ତି ପାରି ନ ଥିଲେ ।

ଏଠାରେ ଉଲ୍ଲେଖ ଯୋଗ୍ୟ, ଏପ୍ରିଲ୍ ୧୪ ତାରିଖ ରବିବାର ପ୍ରଚାରରୁ ଫେରୁଥିବାବେଳେ ରାତି ପ୍ରାୟ ୧୧ଟା ୧୫ ସମୟରେ ମଙ୍ଗୁଳିଙ୍କ ଉପରକୁ ଗୁଳି କରାଯାଇଥିଲା । ନବୀନବାଗରେ ଥିବା ବିଜେପି କାର୍ଯ୍ୟାଳୟ ନିକଟରେ ମଙ୍ଗୁଳିଙ୍କୁ ଗୁଳି କରି ହତ୍ୟା କରାଯାଇଥିଲା। ଏହା ଏକ ରାଜନୈତିକ ହତ୍ୟାକାଣ୍ଡ ବୋଲି ଅଭିଯୋଗ ହୋଇଥିଲା । ଏଥିରେ ବିଜେଡ଼ି କର୍ମୀଙ୍କ ସଂପୃକ୍ତି ଥିବା ନେଇ ବିଜେପି ଅଭିଯୋଗ କରିଥିଲା ।

ସେୟାର କରନ୍ତୁ:-

Leave a Reply

Your email address will not be published. Required fields are marked *