Thu. Jun 27th, 2019
217 views

ଗେମ୍ ପାର୍ଟନରଙ୍କୁ ବାହା ହେବା ପାଇଁ ସ୍ଵାମୀଙ୍କୁ ଛାଡ଼ପତ୍ର ଦେବେ ସ୍ତ୍ରୀ

ସେୟାର କରନ୍ତୁ:-

ନୂଆଦିଲ୍ଲୀ : ଗୁଜରାଟର ଅହମ୍ମଦାବାଦରୁ ଏକ ଚାଞ୍ଚଲ୍ୟ ଖେଳାଇ ଦେଲା ଭଳି ଖବର ସାମ୍ନାକୁ ଆସିଛି ଯାହା କେବେ ବି ଘଟିନଥିଲା । ଲୋକପ୍ରିୟ ମୋବାଇଲ ଗେମ୍‌ ଖେଳୁ ଖେଳୁ ପାର୍ଟନରଙ୍କ ସହ ପ୍ରେମରେ ପଡ଼ିଯାଇଥିବା ଜଣେ ମହିଳା ଏବେ ତାଙ୍କୁ ବିବାହ କରିବାକୁ ଅଡ଼ି ବସିଛନ୍ତି । ଆଉ ଏଥିପାଇଁ ନିଜ ସ୍ୱାମୀଙ୍କୁ ଛାଡ଼ପତ୍ର ଦେବାକୁ ମଧ୍ୟ ପ୍ରସ୍ତୁତି ଆରମ୍ଭ କରିଛନ୍ତି ମହିଳା ।

ସୂଚନାଯୋଗ୍ୟ, ମହିଳା ଜଣକ ଆଜି ଏକ ହେଲ୍ପ ଲାଇନ୍‌ ନମ୍ବରକୁ ଫୋନ୍‌ କରି ଛାଡ଼ପତ୍ର ବାବଦରେ ପଚାରି ବୁଝିବା ପରେ ଏହି ଘଟଣା ସାମ୍ନାକୁ ଆସିଛି । ସେ ଛାଡ଼ପତ୍ର ପାଇଁ ସହାୟତା ମାଗିବା ସହ ଏହା ପଛର କାରଣ ସ୍ୱରୂପ କହିଥିଲେ, ସେ ତାଙ୍କର ପବ୍‌ଜୀ ଗେମିଂ ପାର୍ଟନରଙ୍କ ସହ ରହିବାକୁ ଚାହୁଁଛନ୍ତି । ଏହି ଘଟଣାରେ ହେଲପଲାଇନ୍‌ କର୍ତ୍ତୃପକ୍ଷ କହିଛନ୍ତି ଯେ, ଏହା ପ୍ରଥମ ଏଭଳି ଅଜବ ଘଟଣା ଯେଉଁଥିରେ ଜଣେ ପବ୍‌ଜୀ ଗେମ୍‌ ପାଇଁ ସ୍ଵାମୀଙ୍କୁ ଛାଡ଼ପତ୍ର ଦେଉଛନ୍ତି । ସେ ଏଇ କିଛି ଦିନ ହେଲା ପବ୍‌ଜୀ ଖେଳୁଛନ୍ତି ଏବଂ ଏଥିପାଇଁ ପ୍ରତିଦିନ ବେଶ୍‌ କିଛି ଘଣ୍ଟା ଏହି ଗେମ୍‌ରେ ବିତାନ୍ତି। ଏହି ଗେମ୍‌ ଖେଳିବା ସମୟରେ ହିଁ ତାଙ୍କ ସହରର ଜଣେ ଯୁବକଙ୍କ ସହ ପରିଚୟ ହୋଇଥିଲା ଯେ କି ଏହି ଗେମ୍‌ ଖେଳିବାରେ ଧୂରୀଣ ଏବଂ ସବୁବେଳେ ସକ୍ରିୟ ଥାଆନ୍ତି।

ସେୟାର କରନ୍ତୁ:-

Leave a Reply

Your email address will not be published. Required fields are marked *