Thu. Jun 27th, 2019
184 views

ନିର୍ବାଚନ ଫଳାଫଳରେ ସନ୍ନି ଦେଓଲଙ୍କ ପରିବର୍ତ୍ତେ ଚର୍ଚ୍ଚାରେ ସନି ଲିଓନି

ସେୟାର କରନ୍ତୁ:-

ନୂଆଦିଲ୍ଲୀ : ଭାରତର ନିର୍ବାଚନ ସହିତ କୌଣସି ପ୍ରକାରେ ବି ଜଡିତ ନାହାନ୍ତି ବଲିଉଡ଼ ସେଲିବ୍ରେଟି ସନି ଲିଓନି । ହେଲେ ରେଜଲ୍ଟ ବାହାରିବା ପୂର୍ବରୁ ସେ ଏବେ ଇଣ୍ଡିଆନ ଟ୍ୱିଟରର ଟପ୍‌ ଟ୍ରେଣ୍ଡରେ । ଏହା ପଛରେ ତାଙ୍କର କୌଣସି ଭୂମିକା ନାହିଁ କି ଇଚ୍ଛା ବି ନାହିଁ । ହେଲେ ସେ କିପରି ଏଠାରେ ପହଞ୍ଚିଲେ ସେ କାରଣ ଜାଣିଲେ ଆପଣ ବି ହୋଇଯିବେ ଆଶ୍ଚର୍ଯ୍ୟ।

କଥାଟା ହେଲା ବଲିଉଡର ଆଙ୍ଗ୍ରି ମ୍ୟାନ ସନ୍ନି ଦେଓଲ ଏଥର ନିର୍ବାଚନ ମଇଦାନରେ ନୂଆ କରି ପାଦ ଦେଇଛନ୍ତି । ଆଉ ସେ ତାଙ୍କ କଂଗ୍ରେସ ପ୍ରତିଦ୍ୱନ୍ଦ୍ୱୀଙ୍କଠାରୁ ଆଗରେ ମଧ୍ୟ ଅଛନ୍ତି । ହେଲେ ରିପବ୍ଲିକ୍‌ ଚିଫ୍‌ ଅର୍ଣ୍ଣବ ଗୋସ୍ୱାମୀ ଏ ସମ୍ପର୍କୀତ ନ୍ୟୁଜ୍‌ ପରିବେଷଣ କରୁଥିବା ବେଳେ କରି ବସିଲେ ଏକ ଭୁଲ । ଆଉ ଏହା ଦର୍ଶକଙ୍କ ଆଖିରୁ ଖସି ଯାଇପାରିନି। ଏଥିପାଇଁ ତାଙ୍କୁ ଟ୍ରୋଲ୍‌ର ଶିକାର ହେବାକୁ ପଡିଛି । ସନ୍ନି ଦେଓଲ ଲିଡ଼ କରୁଥିବା କହିବା ପରିବର୍ତ୍ତେ ଅର୍ଣ୍ଣବ ଧରିଦେଲେ ସନି ଲିଓନିଙ୍କ ନାଁ । ଫଳରେ ନିର୍ବାଚନୀ ରେଜଲ୍ଟ ବାହାରିବା ପୂର୍ବରୁ ସନି ଲିଓନି ଏବେ ଇଣ୍ଡିଆନ ଟ୍ୱିଟରର ଟପ୍‌ ଟ୍ରେଣ୍ଡରେ ପହଞ୍ଚି ଗଲେଣି । ଏହା ଅର୍ଣ୍ଣବଙ୍କ ସ୍ଲିପ୍‌-ଅଫ୍‌-ଟଙ୍ଗ ହୋଇଥିଲେ ମଧ୍ୟ ଇଣ୍ଟରନେଟରେ ଭାଇରାଲ ହେବାକୁ ବେଶି ସମୟ ଲାଗିଲା ନାହିଁ।

ସେୟାର କରନ୍ତୁ:-

Leave a Reply

Your email address will not be published. Required fields are marked *